ኩላህና ከምንፈልጦ፡ ሓደ ካብቶም ዓበይቲ ናይ እስልምና መዝሃባት(ኣስተምህሮ) መዝሃብ ሓነፊ ይባሃል። እዚ መዝሃብ’ዚ ብኣቡ ሓኒፋ ኣል-ኑዕማን (ረቢ ይርሓመሎም) ዝተባሃሉ ናይ እስልምና ዓሊም(ሊቅ) ዝተጻሓፈ ናይ ዲን ኣስተምህሮ’ዩ። ንሎሚ እቲ ቀንዲ መልእኽትና ሒወት ታሪኾም ምዝርዛር ዘይኮንስ፡ ሓንቲ ካብቲ ብኒእሽተኦም ዝገበርዋ ቂያ ንምትራኽ’ዪ።

ዘመን ከምዚ ሎሚ ከይኮነ፡ ኣብ ግዜ ኣቡ ሓኒፋ እዋን፡ ባቕዳድ(ዒራቅ) እታ ዝዓበየት ዋና ኸተማ ናይ እስልምና’ያ ዝነበረት። ይባሃል ሓደ ግዜ፡ ናይ ሮም (Rome) መራሒ ንጉስ መልእኽተኛ ናብ ባቕዳድ ሰዲዱ፡ ነቶም ዑለማ ናይ ኣስላም ሰለስተ ሕቶታት- ምምላሰን ዘጸግማ ዝኾና- ክሓቶም ኣዘዞ። እቲ መልእኽተኛ ናብቲ ከተማ ምስ ኣተወ፡ ናብቲ ኸሊፋ- ኣማሓዳሪ- መጽዪ በሎ፡ ናይ እምነትኩም ፈላጣት ክምልስዎ ዘይክእሉ ሕቶታት ሒዘ መጺየ’ለኹ’ሞ ምስኦም ኣራኽበኒ በሎ። እቲ ኸሊፋ መዓልቲ ወሲኑ ንኹሎም ዑለማ መሻይኽ ቆጸራ ገበረሎም።

ኣቀድም ኣቢሉ ቅድሚ እቲ ናይ ክትዕ መዓልቲ ምእካሉ፡ መብዛሕቶም እቶም መሻይኽ በዚ ጉዳይ ቡዚሕ ጭንቀት ሓደሮም። ምኽንያቱ’ስ እንተዳኣ ሕቶ ናይዚ መልእኽተኛ ምምላስ ሰኒፎም፡ ንዲኖም ከሕስሩን ናይቶም ሓፋሽ ኣመንቲ ኣስላም ሞራሎም ክሰብሩ ጭራስ ስለ ዘይደለዩ። ኣቡ ሓኒፍ (ረቢ ይርሓመሎም) ነቲ ሸኾም ኣብ ዓቢ ሓሳባት ተዋሒጦም ክጭነቁ ምስ ረኣዪ፡ በሉዎም፡ ኣንቱም ሸኸይ በጃኹም ቅድሚ ንስኹም ምስኡ ምግጣምኩም ነዓይ ኣሕልፉኒ። እንተ ረታዕክዎ ኒዕማ፡ አንተዘይኮነ ድማ እንታይ ከምዝሓተተኒ ካብኡ መዚንኩም ተዳሊኹም ትግጥሙዎ ኢሎም ንሽኽናኦም ኣርገጽዎም።